Highridge Football Club

Highridge FC waangukia pua. Wakubali kichapo cha 3-2 toka kwa Quarters FC Katika mechi iliyopigwa jioni ya leo kwenye uwanja wa General Tire jijini Arusha, HFC wamekula kipigo kitakatifu toka kwa mahasimu wao na majirani zao Quarters FC. Walikuwa ni HFC walioanza kuliona lango la wapinzani wao baada ya kuonana vizuri huku wakicheza kandanda nzuri mithili ya EPL, alikuwa ni Ackrim akicheza wing ya kushoto aliyeonekana kuwapa shida kubwa mabeki wa QFC kwa mbio na mchezo wake mzuri akiwazidi akili na maarifa basi aliachia cross ndogo iliyomkuta Abel RKay aka #TheFlash akiwa takribani mita 25 ama 26 mpaka 27 akamchungulia kipa amekaaje na kuachia shuti la juu lililomshinda kipa na mpira kutinga nyavuni. Dakika chache baadae, HFC wakapata kona na Abel RKay akaichonga kona fupi na kumpasia Muksini aliyeachia shuti kali na kumbabatiza beki wa QFC na mpira kutinga nyavuni. Mpira uliendelea kuchezwa huku QFC wakilizakama lango la HFC kwa vipindi na hatimaye wakafanikiwa kupata goli la kwanz...

SUPER LOAF FC WAINGIA MITINI. WAKWEPA MVUA YA MAGOLI. Waswahili wanasema dalili ya mvua ni mawingu na pafukapo moshi pana moto. Hili wameliona SuperLoaf FC na kwa kufwatilia misemo hiyo wakaamua kutoonekana uwanjani.  Baada ya kula kichapo cha goli 4-2 katika dimba la General tire pale walipowatembelea HFC, SuperLoaf FC walionekana kutoridhika na kipigo hicho na kuomba kurudiana Ijumaa ambayo ingefwatia. HFC hawakuwa na hiana bali kuwakubalia na kusema karibuni tena. Jana HFC walionekana muda wote wa jioni wakifanya mazoezi ya hapa na pale huku kikosi chao kikiwa kimekamilika vilivyo wakiwa wamejipanga kutoa dozi nyingine. Lakini mazoezi hayo yalionekana kutokuwa na mwisho baada ya habari kusambaa kuwa SuperLoaf FC hawaji uwanjani. Na baada ya kuhoji nikapata.habari kuwa kutokuja kwao uwanjani ilikuwa ni kuhofia mvua. Mvua waliyoiogopa sio ambayo ilikuwa ikinyesha jana asubuhi na mchana la hasha bali waliogopa mvua ya magoli kwa kukumbuka kipigo walichokipata ijumaa iliyopita wak...

SUPER LOAF FC WAPUMULIA MASHINE MBELE YA HIGHRIDGE FC. WACHEZEA KICHAPO CHA 4-2 Wahenga walisema mtoto akililia wembe mpe, asiyesikia la mkuu huvunjika guu, na waswahili nao wana msemo wao usemao, hayawi hayawi sasa yamwkuwa. Hayo yamejili leo katika dimba la General tire wakati miamba wawili walipokutana kuvaana kifutiboli kwenye mchezo wa kirafiki kati ya wenyeji Highridge FC vs SuperLoaf FC. Mchezo ulianza kwa utulivu sana huku kila timu ikijaribu kumsoma mwenzake. Huku referee Musa akionesha madhaifu ya mara kwa mara huku akiwa hana uhakika mara kadhaa kama mchezaji yuko offside ama la. Walikuwa ni SuperLoaf walioanza kuliona lango baada ya mshambuliaji machachari Hamisi kupokea krosi na kuuweka mpira nyavuni. Goli hilo liliwapatia kichaa HFC ambao walianza kulisakama lango la wapinzani wao kama nyuki huku wakicheza mpira safi na mtamu na mashambulizi yao yakianzishwa na mid fielders Amani na Saidi. Na hatimaye mpira ulimkuta Mustafa beki namba 4 aliyeachia shuti la mbali lililo...

Kiungo wa HFC, Arthur Ostyn anatarajia kurudi nchini kwake Ubelgiji kesho baada ya kumaliza shughuli zake hapa Arusha, Tanzania. Akiwa Arusha, Arthur alifanyia mazoezi yake ya uwalimu Highridge School na wakati huo huo akichezea ama kusukuma kabumbu kwenye timu ya HFC ya Highridge School. Pia alitoa msaada mkubwa kwa makocha Papaa na Bayo kwa kukochi vikosi vga soka vya vijana wa Highridge school. Arthur pamoja na wenzake wamekuwepo Arusha kwa takribani miezi minne na sasa wanarejea nchini kwao kuendelea na shughuli nyingine ikiwemo kimalizia elimu yao. Mungu wabariki kwenye safari yenu.

Katika harakati za kuimarisha kikosi cha HFC, Club ya Highridge FC leo hii wameanza mazoezi rasmi. Mazoezi hayo yalipaswa kuanza jana jumanne lakini kutokana na mvua kukataa katakata mazoezi yasifanyike basi wana HFC wakajikita leo uwanjani na kufanya mazoezi murua kabisa wakiwa chini ya kocha mchezaji Adam aka Papaa. Club hii ya HFC watakuwa wanakutana kila wiki Jumanne na Jumatano kwa ajili ya mazoezi na Ijumaa kwa ajili ya mechi, na wiki hii wanatarajiwa kuwakaribisha Super Loaf FC. Mechi kati yao na wageni hao imekuwa na sintofahamu kutokana na kuahirishwa mara kwa mara. Lakini imefahamika kiwa wiki hii mechi kati ya timu hizi mbili lazima ipigwe. Nilipotembelea mazoezini jioni ya leo katika viwanja vya General tire nimeshuhudia idadi kadhaa ya wachezaji waliohudhuria wakiwa wenye furaha ya mazoezi na wakifanya mazoezi kwa umakini sana wakiwa chini ya Papaa kocha wao mchezaji.